ನಿನ್ನ ತಬ್ಬಿದೊಡೆ ನನ್ನಲ್ಲಿ
ಏನೋ ಏನೋ ಕಳ್ಳ ಭಾವನೆಗಳು
ಅಂಗ ಅಂಗಗಳಲೂ ಏನೋ ನವಿರಾದ
ರೋಮಾಂಚನ... ಮೈಯೆಲ್ಲವೂ ರೋಮಾಂಚನಾ ॥
ಹೇಗೇಗೋ ಕಾಡುವೆ ನೀನು
ಕಾಡಿ ಮುದ್ದಾಡಿಸುವೆ ನೀನು ನನ್ನನಪ್ಪಿ
ನನ್ನೆದೆಯ ಒಳಗೆ ಎದೆಬಡಿತದಾ ಸದ್ದು
ಎದೆ ಮೇಲೆ ನಿನ್ನ ಬೆರಳ ಬಡಿತದ ಲಯವೂ...ಓ ನಲ್ಲೆಯೇ॥
ಎಳೆಯದಿರು ನನ್ನೆದೆಯ ಕೂದಲ
ಹುಚ್ಚು ಹಿಡಿಯುವುದು ಎನಗೆ ಹುಚ್ಹನಾಗುವೆ ನಾನು
ನನ್ನ ಪ್ರೇಮದ ಹುಚ್ಚಲ್ಲಿ ಹುಚ್ಹು ಹಿಡಿಸುವೆನು ನಿನಗೆ
ಕೆಣಕದಿರು ಸಲ್ಲಾಪದ ಸಮಯವಿದು ಕೊಡು ಮುತ್ತು ಕತ್ತಿನ ಕೆಳಗೆ॥
ಹೇ ಬಿಡು ಕಿವಿಯನ್ನು
ಕಚ್ಚದಿರು ಕಳ್ಳಿ ಕೆದರುತಿದೆ ಆಸೆಯು
ಓ ನಿನ್ನ ಉಗುರುಗಳು ಪರಚುತಿವೆ ಬೆನ್ನನ್ನು
ರಸಿಕತೆಯಲಿ ನನ್ನೇ ಮೀರಿಸುವೆ... ಬಲು ಜೋರು ನೀನು॥
ಈ ತಂಪು ತಂಗಾಳಿ
ಆದರೆ ನಿನ್ನಾ ಈ ಬಿಸಿಯುಸಿರು
ಇಂಥಾ ಚಳಿಯಲ್ಲು ಕೂಡಾ ಬೆವರುತಿವೆ ಅಂಗಾಂಗಗಳು
ಬೆಚ್ಚನೆಯ ನಿನ ಮೈಯಲ್ಲಿ ಕರಗುತಿವೆ...ನನ ಬಯಕೆಗಳು॥
ಮಾತಿಲ್ಲ ಮೌನವಾಗಿ
ಕೋಣೆಯೊಳು ತುಂಬಿದೆ ಬಿಸಿಹವೆಯು
ರಾಸಲೀಲೆಯ ಮತ್ತು ಏರುತಿದೆ ಕ್ಷಣಕ್ಷಣಕೂ
ತಡಕಾಡುತಿವೆ ಕೈಗಳು ಸವರುತಿವೆ ದೇಹಗಳಾ...ಅಂಗಾಂಗಳನೂ॥
ನಿನ್ನ ಅಧರಗಳಲಿ ಬಚ್ಚಿರುವ
ಸುರೆಯ ಸವಿಯ ಜೊತೆಗೇರುತಿದೆ ಅಮಲು
ಏರಿಳಿಯುತಿರುವ ದೇಹಗಳು ದಣಿಯಲೊಲ್ಲವು
ಸುಖದ ಉತ್ತುಂಗ ಸ್ಠಿತಿಯು ಬಲು ಹತ್ತಿರಾ...ಅನುಭವಿಸುತಿದೆ ದೇಹ॥
ಓ ಎಲ್ಲಿ ನಾವೀಗ
ಮುಚ್ಚಿದಾ ಕಣ್ಣುಗಳೊಳಗೆ ಕಾಣುತಿದೆ ಹೊಸಲೋಕ
ಹೊರಹೊಮ್ಮಿದೆ ಸುಖದಾ ಸಿಂಚನವು ದಣಿಯುತಿವೆ ಮೈಗಳು
ರಾಸಲೀಲೆಯಾ ಮತ್ತು ಇಳಿಯುತಿದೆ ಮೆಲ್ಲಗೆ...ಕೊನೆಗೊಂದು ಸವಿಮುತ್ತಿನೊಡನೆ॥
Monday, February 18, 2008
Subscribe to:
Posts (Atom)